Их Британи нь 67 сая гаруй хүн амтай бөгөөд үүний ихэнх нь Англид төвлөрсөн. Лондон нь хамгийн их хүн амтай хот юм.

ИБУИНХУ-н үндсэн хэл нь англи хэл юм. Англи хэл нь дэлхийн хамгийн өргөн хэрэглэгддэг хэлнүүдийн нэг бөгөөд UK даяар албан ёсны хэлний статустай. Энэ хэл нь боловсрол, хууль эрх зүй, засгийн газар, бизнес, олон нийттэй харилцах үйл ажиллагааны үндсэн хэрэгсэл юм. UK нь хэд хэдэн түүхэн нутаг дэвсгэрүүдтэй бөгөөд тэдгээр бүс нутгуудад англи хэлнээс гадна орон нутгийн уламжлалт хэлнүүд мөн хэрэглэгддэг. Үүнд:

• Англи хэл: Англи хэлний өлгий нутаг нь Англи орон юм. Англи улс бол англи хэлний үүсэл, хөгжлийн эх нутаг бөгөөд дэлхий даяар тархаж, дэлхийн хамгийн өргөн хэрэглэгддэг хэл болсон нь Английн колоничлолын түүхтэй салшгүй холбоотой.
• Уэльс хэл (Welsh): Уэльсэд албан ёсны хэл бөгөөд Англи хэлтэй зэрэгцэн хэрэглэгддэг. Уэльс хэл нь Бритт хэлний бүлэгт хамаарах хэл юм. Уэльсийн сургууль, боловсролын системд энэ хэлийг заадаг бөгөөд олон Уэльсчүүд хоёр хэлээр ярьдаг.
• Шотланд гэлэг хэл (Scottish Gaelic): Шотландын зарим хэсэгт, ялангуяа баруун хэсгийн арлуудад, Шотланд гэлэг хэлээр ярьдаг. Энэ нь Кельтийн хэлний бүлэгт хамаарах бөгөөд Шотландын соёл, уламжлалд чухал үүрэгтэй.
• Ульстерын ирланд хэл (Ulster Scots, Irish Gaelic): Умард Ирландад ирланд хэлний орон нутгийн хувилбар болох Ульстерын ирланд хэл хэрэглэгддэг. Ирланд хэл нь мөн Кельтийн хэлний бүлэгт багтдаг бөгөөд Ирландын соёлын нэг хэсэг юм. 

Далайн чийглэг уур амьсгалтай, өвөл нь зөөлөн, дундаж температур 0°C-ээс 10°C, зун нь 15°C-ээс 30°C. Англи нь харьцангуй дулаан бол Шотланд, Умард Ирланд нь сэрүүн, салхитай.

ИБУИНХУ нь үзэсгэлэнт хөндий, далайн эргийн шугам, ногоон толгод, ой мод зэрэг байгалийн олон төрлийн үзэсгэлэнт газар нутгаар баялаг. Шотландын Бен Невис уул (1,345 м) нь хамгийн өндөр уул бол Темза гол нь Английн хамгийн урт гол юм.

Их Британи нь урлаг, соёлын өргөн түүхтэй, Shakespeare, The Beatles зэрэг алдартай уран бүтээлчидтэй. Мөн олон театр, музей, галерейнуудтай. Жуулчид Stonehenge, Лондоны цамхаг, Эдинбургийн шилтгээн зэрэг алдартай газруудаар зочлох боломжтой.

ИБУИНХУ нь олон улсын оюутнуудыг хүлээн авах 160 гаруй их дээд сургуультай. Оюутнууд IELTS-н шалгалтаар англи хэлний түвшнээ батлах шаардлагатай. Түүнчлэн Chevening, Commonwealth зэрэг тэтгэлэгт хөтөлбөрүүдэд хамрагдах боломжтой.