Англи хэлтэй улсад англи хэл сурах нь олон давуу талтай. Энэ нь таны хэлний чадварыг хурдан сайжруулах, тухайн улсын соёл, зан заншлыг танин мэдэх, англи хэлийг өдөр тутам ашиглахад итгэх итгэлээ нэмэгдүүлэх боломжийг олгодог. Гадаадад англи хэл сурахад анхаарах зарим чухал зүйлс:

Их Британи улсад бакалаврын хөтөлбөр нь 3 жил үргэлжилдэг бөгөөд их сургуулийн өмнөх боловсролын хугацаа 13 жил байдаг. Монгол Улсын Ерөнхий боловсролын сургуулийг төгссөн оюутнуудад гадаад оюутны жил болох International Foundation Programme буюу суурь хөтөлбөрт заавал суралцах шаардлагатай. Энэ хөтөлбөрийг амжилттай дуусгаснаар оюутнууд бакалаврын 3 жилийн хөтөлбөрт үргэлжлүүлэн суралцах боломжтой.

Харин A level, IB Diploma, эсвэл International Foundation Programme хөтөлбөрт амжилттай суралцсан оюутнууд шууд бакалаврын 1-р курст элсэн суралцах боломжтой.

International Foundation Programme нь Их Британи улсад их дээд сургуулиудад элсэн суралцах хүсэлтэй гадаад оюутнуудад зориулсан суурь мэдлэг олгодог хөтөлбөр юм.
Мөн энэ хөтөлбөр нь Их Британи болон Монгол улсын боловсролын системийн зөрүүг дүйцүүлэх хөтөлбөр тул Монгол улсын Ерөнхий боловсролын сургууль төгссөн сурагч нар заавал суралцах шаардлагатай хөтөлбөр юм. Уг хөтөлбөрт суралцаж буй оюутнууд сонгосон мэргэжлийн суурь 4-6 хичээл, Академик Англи хэлний хичээлийг судална. Ингэснээр оюутнууд сонгосон мэргэжлийнхээ суурь хичээлүүдийг судалж мэдлэг авахаас гадна англи хэлний академик мэдлэг, илтгэл тавих, курсийн ажил бичих дадалд суралцдаг. Мөн A Level, IB зэрэг хөтөлбөрөөр хангалттай оноо аваагүй оюутнуудад оноогоо ахиулан хүссэн их сургуульдаа элсэх боломжийг олгодог. 

Бакалаврын зэрэг нь ихэнх хүмүүсийн анхны боловсролын диплом бөгөөд тухайн мэргэжлийн талаарх гүнзгий ойлголт олгодог. Их Британийн бакалаврын хөтөлбөрүүд ихэвчлэн тодорхой академик хөтөлбөртэй бөгөөд зарим нь практик сургалт, дадлага зэрэг элементүүдийг агуулдаг. Бакалаврын зэргийн төрөлд Bachelor of Arts (BA), Bachelor of Science (BSc), Bachelor of Education (BEd), болон Bachelor of Engineering (BEng) багтдаг. Хэрэв та 50 хувь буюу түүнээс дээш оноотой амжилттай төгссөн бол “honours” зэрэг авах боломжтой. 

Их Британийн ихэнх сургуулиудын магистрын хөтөлбөр нь 1 жилийн хугацаатай байдаг. Энэ нь оюутнуудад богино хугацаанд мэргэжлээрээ магистрын зэрэг хамгаалах боломжийг олгодог.

 
Харин англи хэлний шалгуурыг хангаагүй, өмнөх голч дүн хүрэхгүй, мэргэжлээ сольж байгаа эсвэл төгссөн сургуулийн диплом нь Их Британийн бакалаврын дипломтой дүйцэхгүй тохиолдолд оюутнууд Pre-master хөтөлбөрт суралцах шаардлагатай. Энэ хөтөлбөр нь таны англи хэлний түвшин хангалттай байгаа тохиолдолд 1-с 2 улирал, англи хэлний нэмэлт хичээл шаардлагатай тохиолдолд 3-с 4 улирлын хугацаатай байх бөгөөд оюутнуудад шаардлагатай академик мэдлэг, англи хэлний чадвараа сайжруулахад тусалдаг. Pre-master хөтөлбөрт амжилттай суралцсаны дараа оюутнууд магистрын хөтөлбөрт элсэн суралцах боломжтой. Энэ хөтөлбөр нь оюутнуудад Их Британийн боловсролын системд амжилттай дасан зохицох, сургалтын шаардлагыг хангах зорилготой. 

Pre-Master хөтөлбөр нь Их Британи улсад магистрын зэрэг горилж буй гадаад оюутнуудад зориулсан бэлтгэл сургалтын хөтөлбөр юм.

 Дараах тохиолдолд оюутнуудад Pre-Master хөтөлбөрт суралцах шаардлагатай:

Их Британи нь академик давуу чанараараа дэлхийд алдартай бөгөөд судалгааны чанараар тэргүүлдэг. Магистрын хөтөлбөрүүд нь ихэнхдээ нэг жилийн хугацаанд дуусаж, санхүүгийн хувьд хэмнэлттэйгээр карьераа үргэлжлүүлэх боломжийг олгодог.  

Магистрын зэрэг нь хоёрдугаар түвшний боловсролын зэрэг бөгөөд ихэвчлэн бакалаврын зэргийг амжилттай дуусгасан байх шаардлагыг тавьдаг. Хэрэв та бакалаврын мэргэжилтэй холбоотой магистрын чиглэлээр суралцвал гүнзгий мэдлэг, ойлголт авах боломжтой. Гэвч зарим хүмүүс өмнөх мэргэжлээсээ эрс өөр чиглэлд суралцахыг сонгодог. Энэ тохиолдолд Pre-Master-т суралцаж суурь мэдлэг олж авах эсвэл бакалаврт суралцах гэсэн сонголттой байдаг. 

Магистрын зэргийг зааварчилгаатай (taught) болон судалгааны (research) гэсэн хоёр үндсэн төрөлд хувааж болно. Магистрын зэргийн төрөлд MA (Master of Arts), MSc (Master of Science), MEng (Master of Engineering), MFA (Master of Fine Arts), LLM (Master of Laws), MArch (Master of Architecture) зэрэг орно. MPhil (Master of Philosophy) зэрэг нь судалгаанд суурилсан бөгөөд ихэвчлэн PhD-д шилжих боломжийг олгодог. 

Их Британийн дунд сургуульд суралцах хүсэлтэй гадаад оюутнууд ихэвчлэн дотуур байртай сургууль буюу Boarding School-д хамрагдаж Их Британийн боловсролыг эзэмших боломжтой. Их Британи, Уэльс, Шотланд, Умард Ирландын хэмжээнд нийт 500 орчим дотуур байртай дунд, ахлах сургуулиуд байдаг. Бүх сургуулиуд нь боловсролын чанар, сургалтын байгууллага, сурагчдын халамжийн стандартын дагуу хатуу шаардлагыг хангаж ажилладаг. Дотуур байранд амьдарч сурч буй олон улсын сурагчид болон орон нутгийн сурагчид хамтдаа нэг сургуульд сурдаг. Гадаад сурагчид нь сургуулийн орчинд амьдардаг, "өдрийн сурагчид" гэр бүлтэйгээ амьдарч, хичээлдээ ирж очдог нь нийгмийн харилцаанд орох боломжийг олгодог.
Их Британийн сургуулиудыг дотор нь 3 түвшинд хуваана. Үүнд: 

• Бага сургууль 5-11 нас
• Дунд сургууль 11-16 нас
o GCSE 14-16 нас
• Ахлах сургууль (6th form) – 16-18 нас
o A level or IB Diploma 

Дотуур байртай сургуулиудын сургалтын төлбөрт байр, хоол сургалтын төлбөр багтсан байдаг бөгөөд нэмэлт дугуйлан, амралтын үеийн байрны төлбөр багтаагүй байдаг. Зул сар, улаан өндөгний баяр болон зуны амралтаар бүх сургуулиуд нийтээрээ хааж амардаг тул сурагчид гэртээ харих эсвэл найз, гэр бүл, хамаатныдаа амралтын хугацаагаа өнгөрөөх шаардлагатай.